Пред да почнете со организација, мора прво да го исчистите вашиот гардеробер. Со други зборови, тргнете на страна се што носите и фрлете се што одамна не сте носеле. 

Обрнете внимание на сите полици

Често горните полици стануваат место за сите ситни работи кои стојат само така расфрлени. За да ги средите, мора на се да му најдете свое место, а тоа најдобро ќе до направите со прегради. Ставете преграда помеѓу ташните, ремените или џемперите. 

Инвестирајте во добри закачалки,

Ако низ целиот гардеробер имате само еден вид на закачалки, вие ќе му дадете унифициран изглед и ќе им дозволите на облеките да се истакнат. Одверете закачалки кои не се лизгаат за да спречите постојано паѓање на свилените материјали.

Имајте дизајнирана кутија за донации

При менувањето на сезонските парчиња облека, често наидувате на такви што повеќе не се ваш стил. Ако не сакате одма да се ослободите од нив, купете убава платнена кутија во која ќе ги чувате додека не решите кој е вашиот следен потег. 

Користете столче

Столчето во гардероберот може да биде многу корисно, особено во оние утра кога брзате и без внимание ги потегнувате убаво здиплените облеки. Столчето ќе ви помогне секогаш се да ви е во линија со очите, па така полесно ќе можете да видите што ви е потребни и повнимателно да го извадите истото. 

Полици за кондури

Полиците за кондури не треба да завземаат многу место. Најдобро е тие да се вертикални и отворени. Одберете мало шкафче со неколку полици каде ќше ги чувате кондурите кои најчесто ги носите или оние кое се подложни на уништување. 

Поделете по сезони

Не секогаш имаме место за сите облеки кои ги поседуваме, па затоа е најдобро да ги поделите по сезони. Она што не се носи во лето складирајте го внимателно во затворениот дел од гардероберот, а другото изложете го. Истото направете го и во зимскиот приод. 

Средете го гардероберот како да сте во продавница

Една од работите зошто го сакаме толку шопингот е поради чувството што го имаме кога ќе влеземе во продавница. Секогаш се е средено, чисто и испеглано. Направете го истото и со вашиот гардеробер, па така секогаш кога ќе го видите ќе имате чувство како да сте отишле на шопинг.